Kischo-Geschichte Nummer 2
's Gschichtle vom Ratza-Fuir, von de Marrana, vom Naibronza ond von de boide Schniedlwutz
(Ratza, Ratze, meint den römischen Bischof Joseph Ratzinger)
Kischo, schweißtriefend: Etz los, Santscho, i brauch no mai Holz. Dees muaß a räachts Fuierle gäa fier da Ratze. A Bubba haune scho zom naufschdella.
Santscho: No gschdääd. Do komme jo ens Schwidsa. Do haune koin Bock drauf. Bock he-odr här. Dees Fuierle wird a-griiicht.
Kischo, woisch, i fiehl me do it so wohl. Woisch, mi hand se selbr scho moool auf so an Haufa naufgdschdelld on noch aa-zonda.
Kischo: En ächt?
Santscho: Noi, sell it. Siesch me doch no romlaufa, du Huedsempl. - Als Bubba hand se me naufgschdellt, en "effigie" saget de gscheide Leit. Dees mit dr Bubba hot mr abr scho groicht.
Kischo: Lass no a bitzle mai haira.
Santscho: Dees war vor gäa zea Johr, em a Oat em "Wenkl". So hoißt des Gai bei eis.
?
Santscho: Des war zom Fonkasondig. Do dant se sooscht die Hägsa-Figura naufbenda. Ond schdatt ra Hägs hand se noch da Fägrveit gnomma.
Kischo: Bisch du drbeigschdanda?
Santscho: Noi, gottseidank it.
Kischo: Moher woisch deees noch?
Santscho: Dees hand se mir aischt schbädr vrzehlt. Ond der, wo mrs vrzehlt hot, a Schuelmoischdr, a Reggdr, a CDU-Kreisvorstandsmitglied, a Mitarbeitr vom mir, der war z'faig zom saa, WER dia Bubba gmacht ond naufgdschellt hot. - Von doooher haune halt so meine Probleme beim Fuirlemache.
Kischo: Ond morom hand se de doo-naufgschdelld?
Santscho: Woiß i au it. Vielleicht, weil e amool abbes gschrieba hau (abr ganz vorsichtig, du kennsch me - ond trotzdem), weil e amool em maim Bläddle abbes gschrieba hau über dia bleede Figura auf danne Holz-Heifa (sinngemäß: so abbes Inhumans! Ma daff Leit itamool en effiiigie vrbrenna!) ond ibr den Scheiß von danne "Hexafigura an Fasnet". Weil ma se frier bei eis doch au auf a grauß Fuir naufgschdellt hot. Dia Mench, dia du gar it magsch, dia von Marchdl, dia hand dees en ihrem Glooschdr-Schdaat no oms Jährle siebzeahondrtfufzg rom dau.
Kischo: Deesch mir etz älls egal. Du bisch äwwe dr gleich alt Bedenkdrägr. Ond i will mai Ratza-Fuirle etz oifach hau.
Santscho: Au räacht, noch isch mir dees halt au egal. I bronz noochher nai en dai Fuirle - ond wenn da dees scho au gar it maagsch.
Kischo: Maale, wenne sieh, wia du dain Schniedlwutz raushollesch ond bronza a-fanga widd, noch schneiden dir glei a.
Santscho: Abr do isch doch schos Heitle weg!
Kischo: Deesch mir ällz egal. Der Schniedlwutz kommt futt. Ond wenn du no so a alda spanische Sau bisch.
Santscho: Dees wamma noch scho säa. Aber ois sag dr: Noch hosch du dein Schniedlwutz au nemme lang.
Das Ende von der Geschicht:
Santscho und Kischo schneiden sich gegenseitig die Schniedelwutze ab.
Die kriegen einen eigenen Scheiterhaufen.
2005