ed geizich
i bee fei ed geizich
aber kommad glei noch-m kaffee
dass-r vor-m veschbr dahoim send
i bee gwiiß ed kniggad
aber ihr keedad au a kann eel mitbrenga
wann s eich z kalt isch
freile ben i koi geizkraga
aber ihr mißdad mr no
mei nuie eckbook zeemanagla
an entaklemmer ben i nadierlich ed
aber ihr soddad halt no a kischtle negl mitbrenga
----- an haamer haun-e do
hellmut g. haasis: jetz isch fai gnuag hai honna, s. 14