sonderoogebodd
etzad haun-e schau
s dridd wohnzemmer kaufd
on d schdial wacklad no emmr
- em sonderoogebodd
no haun-e au schau
zwoimol zeah pfond
schenkawuuschd kaufd
ond schläachd wurd-s mr no emmr
- em sonderoogebodd
dui nuie diefkiehldruah
isch vool damit
ond i brauch doch no
zwanzich pfond breschtleng
em sonderoogebodd
wann-e wieder bohne biera pflomma will
so wärr-e me besser schdau
i hol mr no glei
a zwoide diefkiehldruah
----- em sonderoogebodd
haasis: jetz isch fai gnuag hai honna, s. 17
zu inszenieren mit unmöglichem filzhut und leidender körperhaltung
2005