vergässlich
send sia ed dr herr .....?
wia hoißad se bloß?
ha jo
sia sen dr herr .....
sia send dr herr ..... dengs
hedd-e ed äbbas eikaufa sodda?
aber wa hedd-e denn eikaufa sodda?
ha jo
a pfond vo deane .....
a pfond vo deane ..... dengs
haun-e ed no zu meim freind welle?
mo wohnd der glei?
ha jo
der wohnt en dr .....
der wohnt en dr ..... dengs schdrooß
hot do ed grad oiner hamballe gsaid?
mo schaffasch du glei?
ha jo
du schaffsch doch beim .....
du schaffsch beim ..... dengs
wa haun-e denn saga wella?
morom mach-e denn so a baar vers?
ha jo
i glaub
jetz haun-e au des no .....
jetz haun-e au des wörtle no .....
des wörtle haun-e au jetz no .....
haun-e au jetz no des wörtle .....
ah so ..... vergässa?
haasis: jetz isch fai gnuag hai honna, s. 18-19
vorzutragen mit unmöglichem filzhut und leidender körperhaltung